غزل جنوبي قحطاني من أجمل الكلمات

ياناعسه كلمات علي القحطاني

يا ناعسه ردي علي وارحميني … شوقي تعيس الحظ صابر وملهوف
جيتك واشوف الهم قدام عيني … ويا ويل قلب انهد من داخل الجوف
كنت احسب اني بقضبك بين ايديني … واثري بلحب اعمى ولا اشوف
الحبل مقضوب وربي يعيني … يا والله اللي ما غدا السعي مخلوف
والله أحبك مير بينك وبيني … بيني وبينك لابغيت أقبل اصفوف
جودي علي بنظرة واسمعيني … لوني بعيد اسوق لك الدمع مظروف
كانك تبيني قولي انك تبيني … عشرة شرف يا بنت لا يطري الخوف
كانك رحلتي بالهوى سامحيني … يخطي طريق الحب ما بيننا اظروف
بينت لك ما بديت خافي كنيني …وأظن صار القصد واضح ومعروف

قضيت العمر كلمات علي القحطاني

قضيت العمر كله با التمني … ويا حسرة على ما فات مني
ويللي طال هجرك وامتحني … كويت القلب كيه فوق كيه
وابطى الوقت واسهرت الليالي … ابوح بونتي وابكي لحالي
صفى لي من زماني ما صفالي … وباقي العمر لعيونك ضحيته تدور
تذكر قبل يوم انك تبينا … وتتعذر من شانك تجينا
وذا لحينه ما كنا التقينا … تعبد كل واحد عن خويه
حشى لله لحظة ما نسيتك … ولا أرخصتك بك الغالي فديتك
ولا مني بعيني شفت بيتك … على الجدران رديت التحية
ولا منه بدا لي نجم لامع … تصورتك وهليت المدامع
واذا مني دعيتك ما انت سامع … يرد البيت صرخآ في عليه
انا مليت من باقي حياتي … خلاص الحق علي قبل المماتي
ترى حبك بصونه يا جزاتي … بسرعة قبل لاتجري المنية
ولا لك عذر بعد اليوم تبطي … حلاة الحب من ياخذ ويعطي
وسامحني لواني كنت مخطي … تراك اتعبتني روحه وجيه

فوق البحر الهوي كلمات علي القحطاني 

فوق بحر الهوى تجري مراكبنا … نقضي الليل كله فوق موجاته
نرضي احبابنا نوفي بواجبنا … من نقض عهدنا نقطع علاقاته
ما لنا غير خالقنا يحاسبنا … نبلغ اهدافنا والنفس مواته
با الصراحة نخاطب من يخاطبنا … لين يظهر لنا قصده وغاياته
الردي لا حشى ما هو بصاحبنا … حيث عاداتنا ما هي بعاداته
الوفى عند جاهلنا وشايبنا … راعي الطيب ما يحسب خساراته
نعرف اللي من الغيرة يحاربنا … لغلط حيلته والغيض قواته
انتهينا وصفينا تجاربنا … نعرف الهرج الى من جاء مجلاته

يا ذا النسيم كلمات علي القحطاني

يا ذا النسيم اللي سرى تالي الليل … من وين ساري يا رسول المحبين
ما أرسلك راعي الرموش المضاليل … اللي مضى لي عنه أيام وسنين
با أسئلك انا با لله منشي المخايل … ما خان عهدي با الهوى داعج العين
خلا حياتي من فراقه غرابيل … وحدود نجد وقفت بيننا البين
اللي عليه العين هلت هماليل … وأتابع الونات والناس ممسين
يا قلبي اصبر والليالي مقابيل … وانا السفر ناويه من حد ذا الحين
أرسلت له عيت تفيد المراسيل … جسمي نحل والناس ما هم بدارين

ياعين ياليل كلمات علي القحطاني

يا عين ياللي تحبين السهر … بس ارقدي والسهر ما فيه خير
ويا رجل لا تقربي درب الخطر … اتاكدي قبل تبدي بالمسير
واليوم لا عاد تثق في بشر … لو يفرش الدرب قدامك حرير
واللي حلف لي وصدقته فجر … نسى عهوده وحول يم غير
اشلون اصدق من اعطاني خبر … ومادام أنا ما صفى ليه عشير
عن الجميع الحذر ثم الحذر … تغير الوقت بالله استجير
يا قلبي اصبر ومثلي من صبر … والوقت له يوم لازم يستدير

شعر عراقي حزين عن الحب قصير

شعر عراقي عن الحب والشوق قصير

شعر عراقي غزل قصير

أجمل أبيات شعر عن الحب قصيرة